The role of professional organizations in nursing advancement.

Die rol van professionele verenigings in die ontwikkeling van die verpleegberoep word bespreek. Eerstens word die drie hoofkomponente van die onderwerp, naamlik rol, ontwikkeling en professionele verenigings gedefinieer. Daarna deel die skrywer met die leser hoe sy ’n model vir verpleegstersverenigings ontwikkel het. Die uiteindelike model, die dinamiese verbruiker-inhoud-model maak voorsiening vir: — die inhoudsgebiede van ’n vereniging se rol, naamlik kern (intrinsieke waardes), onderwys, diens en praktyk, navorsing, sosio-ekonomiese welsyn en ontwikkeling van beleid — wisseling in die mate van aktiwiteit ten opsigte van elke inhoudsgebied op verskillende stadia — die drie verbruikers van die vereniging se aktiwiteite, naamlik verpleeg­ kundiges, kliente/pasiente en die gemeenskap — die interaksie tussen verbruikers en tussen aktiwiteitsgebiede Hierdie model kan deur verenigings gebruik word as riglyn in die beplanning van aktiwiteite en die uitbouing van hulle rol.